VISTVÆNAR
ÍBÚÐIR
Í FALLEGU
UMHVERFI

;

FRÁBÆR FYRSTA EIGN

Hverfið í Gufunesi er afurð af verkefni Reykjavíkurborgar um hagkvæmt húsnæði í Reykjavík, til að auðvelda ungu fólki að eignast sitt fyrsta húsnæði. Uppbygging á 65 íbúðum í þremur húsum að Jöfurbási 9 eftir að félagið vann til verðlauna í samkeppni á vegum Reykjavíkurborgar um að tryggja aukið hagkvæmt húsnæði fyrir ungt fólk.

Lögð verður áhersla á byggja vistvænar íbúðir í fallegu umhverfi.

Forgang að kaupum á íbúðum hafa einstaklingar á aldrinum 18-40 ára fyrstu 12 vikurnar eftir að íbúðirnar hafa verið kynntar á markaði.

Meðalstærð íbúðanna er um 67 fermetrar og um 80% íbúða eru stúdíó, 2ja og 3ja herbergja íbúðir.

SKOÐA ALLAR TEIKNINGAR

SKOÐA SAMÞYKKTA OG INNSIGLAÐA AÐALUPPDRÆTTIR

Smelltu á myndirnar til að skoða eða sækja teikningarnar.

JÖFURSBÁS 9

Afstöðumynd og byggingarlýsing

JÖFURSBÁS 9

Grunnmyndir

JÖFURSBÁS 9

Sneiðingar

JÖFURSBÁS 9

Útlit

UM HVERFIÐ

Gufunesið er nýjasta hverfi Reykjavíkur og byggir á verðlaunatillögu hollensku arkitektastofunnar Jvantspijker og Felixx sem árið 2016 hreppti fyrstu verðlaun um Gufunessvæðið. Þar kemur fram framtíðarsýn að Gufunes eigi að verða eins konar ventill fyrir ungt fólk sem kýs grósku og borgarbrag í stað úthverfa. Lögð verður áhersla á að nýta umhverfisgæði og staðaranda sem grunn að samfélagi þar sem tækifæri, hagkvæmni og upplifun verða í forgrunni.

 

Markmið félagsins er að byggja hagkvæmar og vistvænar íbúðir fyrir ungt fólk.

Félagið mun m.a. leggja áherslu á eftirfarandi þætti:

  • Íbúðirnar eru byggðar úr verksmiðjuframleiddum timbureiningum, í bland við steinsteypt mannvirki, sem skapar vistvænabyggð.
  • Allt timbur frá framleiðanda eininga kemur úr endurnýjanlegum skógum.
  • Í hönnunarferlinu var lögð áhersla að nýta vel alla fermetra og að skipulag íbúða sé hagkvæmt.
  • Allar íbúðirnar uppfylla skilyrði að hægt er að sækja um hlutdeildarlán hjá HMS.
  • Lögð verður áhersla að nota vistvænt og vottað byggingarefni
  • Gert er ráð fyrir loftskiptakerfi í öllum íbúðum sem eykur gæði lofts og húsnæðis.
  • Lögð verður áhersla á flokka úrgang á byggingarstað.

UM VERKIÐ

 

EIGENDUR OG SAMSTARFSAÐILAR

Gestur Ólafur Auðunsson er formaður stjórnar Hverfisins Gufunes ehf. Hann er reyndur byggingaverktaki í byggingarverkefnum erlendis og hérlendis. Gestur Ólafur er húsasmíðameistari að mennt. Gestur Ólafur byggði m.a. Landsbankahúsið á Hellissandi og hefur byggt fjölbýlishús fyrir húsnæðismálastofnun á Selfossi og Raufarhöfn. Einnig hefur hann annast byggingarverkefni fyrir Reykjavíkurborg og Rafveitu Reykjavíkur.

Hilmar Steinar Sigurðsson er framkvæmdastjóri Hverfisins Gufunesi ehf. og hefur unnið að umsýslu og stjórnun á byggingarverkefnum frá árinu 2009 bæði erlendis og hérlendis. Hilmar er er viðskiptafræðingur með MBA gráðu frá HÍ.

Júlíus Þór Júlíusson er stjórnarmaður í Hverfið Gufunesi. Hann er verkfræðingur M.Sc. frá Danmörku Júlíus hefur starfað á Íslandi sem verkfræðingur, í Noregi í nokkur ár við stjórnun verkefna og hefur m.a. setið í stjórnunarteymi í byggingu spítala í Tønsberg.

Lögð er áhersla að þeir aðilar sem tóku þátt í verkefninu hagkvæmt húsnæði í Reykjavík, séu þáttakendur í uppbyggingunni.

Teiknistofa Arkitekta tók þátt í samkeppninni um verkefnið og sinnir jafnt byggingar- og skipulagsmálum og leggur áherslu á persónulega, góða og skilvirka þjónustu. Áhersla er lögð á fagleg og vönduð vinnubrögð í samræmi við kröfur og væntingar viðskiptavina svo og lög og reglugerðir um byggingar- og skipulagsmál.

Verkfræðistofan Efla tók þátt í samkeppninni um verkefnið og mun annast hönnun á burðarvirki, í samstarfi við framleiðendur burðarvirkis, ásamt öllum lögnum í húsinu.

Verkfræðistofan Mannvit annast hönnun varðandi hljóð og bruna.

NÚTÍMALEG HÖNNUN

Áhersla er á vandaða hönnun og góða rýmisnýtingu íbúðanna sem eru af fjórum gerðum; stúdíó, tveggja, þriggja og fjögurra herbergja. Íbúðir á þriðju hæðinni eru tveggja hæða íbúðir með svölum á báðum hæðum. Þrír stiga- og lyftukjarnar eru í íbúðarhúsunum þremur.

Húsin eru hönnuð í nútímalegum stíl með viðhaldsfríum álklæðningum á þaki og veggjum. Timburklæðningar eru á svölum og í anddyri. Gluggar og hurðir verða klæddir með áli að utanverðu og timbri innanhús. Markmiðið er að húsin séu að mestu viðhaldsfrí. Aðlaðandi og nútímaleg hönnun á íbúðum eru mikilvægir eiginleikar til að hverfið heppnist og verði vinsælt meðal ungs fólks og ungra fjölskyldna.

Sérafnotareitir fylgja íbúðum á fyrstu hæðinni í stað svala sem tryggja íbúum litlar einkalóðir ásamt því að sjá til þess að allir hafi hag af því að skapa sér fallegt umhverfi.

Íbúðarhúsin mynda garðrými fyrir skjólgott svæði fyrir leikvöll og grasflatir ásamt stæðum fyrir hjól.

INNRÉTTINGAR OG EFNISVAL

– Innréttingar verða frá viðurkenndum aðilum hérlendis eða erlendis og verður lögð áhersla á hagkvæmar og vandaðar innréttingar.
– Harðparket er á gólfum og baðherbergi eru flísalögð.
– Loftskiptakerfi verður í öllum íbúðum sem eykur mikið lífsgæði íbúa.

ÁÆTLUÐ VERÐ ÍBÚÐA

Íbúð nr.Stærð í fmFjöldi svefnherbergjaVerð
1. hæð10151.4150,215,596
10253.9150,215,596
10369.6256,339,450
10471.4256,339,450
2. hæð20151.4150,215,596
20252.4150,215,596
20349.4150,215,596
20452.3150,215,596
20571.4256,339,450
3. hæð tveggja hæða30183.5260,626,147
30290.5366,137,615
30398.1366,137,615
30490.4366,137,615
305116.9477,772,936

Öll verð og upplýsingar eru birt með fyrirvara um innsláttarvillur.

Nánari upplýsingar um hlutdeildarlán.

UMBOÐ MEÐ SÖLU ÍBÚÐA

Jason Kristinn Ólafsson löggiltur fasteignasali hjá Fasteignasölunni Mikluborg er með umsjón um sölu íbúða í Hverfinu Gufunesi. Hægt er að hafa samband við Jason á netfangið jko@miklaborg.is eða í síma 569 7000 | 775 1515.

Miklaborg er framúrskarandi fyrirtæki árið 2022 og skv. mælikvörðum Creditinfo í sérflokki í fasteignasölu á Íslandi.

ÁÆTLUÐ VERKLOK

Uppbyggingu á landi Hverfisins Gufunesi verður skipt upp í 3 áfanga, samtals 65 íbúðir.

– Í fyrsta áfanga eru 14 íbúðir. Verklok í mars 2024.
– Í öðrum áfanga eru 24 íbúðir. Verklok áætluð sumar 2025.
– Í þriðja áfanga eru 27 íbúðir. Verklok áætluð árslok 2027.

Vistvæn byggð

Grundvallaratriði í sjálfbærni byggingar er að byggingin sé endingargóð og sveigjanleg fyrir mismunandi þarfir sem skapast á notkunartíma hennar sem og að rými séu nýtt vel. Ástæða þessa er að ein veigamestu umhverfisáhrif byggingariðnaðarins stafa af vinnslu hráefna og framleiðslu byggingarefna.

Horft verður til notkunar mannvirkjaeininga þar sem við á í bland við hefðbundnar byggingaraðferðir sökkla og neðstu gólfplötu, enda er slíkt liður í því að draga úr myndun byggingarúrgangs og stytta framkvæmdatíma.

Endingargóð byggingarefni draga sömuleiðis úr neikvæðum umhverfisáhrifum sem skapast vegna framleiðslu byggingarefna. Varðandi val á byggingarefnum skiptir máli að líta til góðrar endingar og jafnfram því að umhverfisáhrif byggingarefnanna yfir vistferil byggingarinnar séu sem minnst. Byggingarúrgangur er einnig stærsti einstaki úrgangsflokkurinn í Evrópu og má áætla að sama gildi hér á landi. Í þessu verkefni er hugað að því að nýta rými á eins hagkvæman hátt og mögulegt er.

Gert ráð fyrir að léttir veggir muni vera úr timbri sem hefur lægra kolefnisspor en samsvarandi steyptur veggur. Einangrunarefni í veggjum verður steinull, sem hefur lægra kolefnisspor en XP plast einangarunarefni. Klæðningarefni verða af ýmsum gerðum en bæði verða notuð timburklæðningarefni og álklæðningar. Horft verður til umhverfiseiginleika yfir allt vistferli byggingarinnar við val á klæðningaefni sem og að efnin séu viðhaldslétt.

Einnig verður stuðlað að vistvænum samgöngum með hjólageymslu, öruggum göngu- og hjólaleiðum að byggingunum og aðstöðu fyrir deilibílakerfi.

Framleiðandi húsa hefur tekið þátt í fjölda verkefna þar sem húsnæði er vottað og styður ferlið með því að halda utan um vottun byggingarefna sem notuð eru. Allt tré sem kemur frá okkar dreifingaraðila er vottað úr sjálfbærum skógum.

UMSÓKNIR

OPNAÐ VERÐUR FYRIR
UMSÓKNIR SÍÐAR Á ÁRINU

Fylgstu með nýjustu fréttum af Hverfinu Gufunesi á Facebook.

HAFÐU SAMBAND

Ekki hika við að hafa samband til að fá nánari upplýsingar á netfangið hverfid@hverfidgufunes.is